(Prishtine – 02 shkurt  2012)

Ministri Bedri Hamza u takua  me udhëheqësit e projekteve që implementohen nga Banka Botërore në Kosovë

Në Ministrinë e Financave u organizua një takim me të gjithë udhëheqësit e projekteve që implementohen nga Banka Botërore në Kosovë. Në këtë takim morën pjesë ministri i Financave z. Bedri Hamza, menaxheri i Zyrës së Bankës Botërore në Kosovë z. Jan-Peter Olters dhe zyrtarë tjerë të Bankës Botërore. Qëllimi i këtij takimi ishte koordinimi i aktiviteteve në mes projekteve, rritja  e efektivitetit të tyre me qëllim të implementimit sa më të suksesshëm të këtyre projekteve, ku me këtë rast u prezantua edhe instrumenti për menaxhim tremujor të portofolit për projektet e financuara nga Banka Botërore.

(Prishtinë – 29 janar 2012)

Politikat fiskale në funksion të zhvillimit ekonomik

Qeveria e Republikës së Kosovës përkatësisht Ministria e Financave që nga fillimi ka  marr  masa për të hartuar politika fiskale të cilat do të janë në funskion të  zhvillim  ekonomik të vendit tonë.

Masat e nderrmarra deri më tash në këtë drejtim konsistojnë me uljen e tatimin në korporata  për  50 % nga 20% sa ishte  në 10% .  Gjithashtu ulë tatimin  në të ardhura personale, gjë që kishte ndikim shumë pozitivë në zhvillim e biznesit por edhe  te gjithë të punësuarit në Republikën e Kosovës.

Për  herë të parë  në vendin tone vendosem uljen e normës së interesit të ngarkuar për pagesat e vonuara tatimore dhe njëkohësisht rritëm normën e interesit të paguar për ri-mbursimet e vonuara.

(Prishtinë – 26 janar  2012)

Komisioni i Granteve, bëri përzgjedhjen me short të anëtarëve të rinj për vitin 2012

Në Ministrinë e  Financave, sot u mbajt ceremonia e përzgjedhjes së anëtarëve të rinj të Komisionit të Granteve , ku të pranishëm ishin  zëvendësministri Ramadan Avdiu,  ministri i Pushtetit Lokal Sllobodan Petroviq,  kryetarja e Komisionit për Buxhet dhe Financa në Kuvendin e Kosovës Safete Hadërgjonaj,  zëvendësministri  i Ministrisë së Arsimit, Shkencës dhe Teknologjisë Nehat Mustafa, kryetarët e komunave, anëtarët e Komisionit të Granteve për vitin 2011, dhe drejtori i Buxhetit Komunal në Ministrinë e Financave Petrit Popova.