(Prishtinë – 11 maj 2010)

Banka Botërore prezantoi Memorandumin Ekonomik për Kosovën

Banka Botërore ka prezantuar  sot rezultatet dhe rekomandimet nga publikimi më i ri Memorandumit Ekonomik për Kosovën.  Zyrtarët e Bankës Botërore vlerësojnë se Kosova duhet të ketë një rritje ekonomike më të madhe, në mënyrë që të ulë hendekun e të ardhurave, po ashtu ata kanë përmendur edhe tri pengesa kryesore që ndikojnë për rritje ekonomike, siç është energjia elektrike, sundimi i ligjit dhe aspekti rregullativ që ka të bëjë me regjistrimin e bizneseve dhe procedurat e licencimit.

(Prishtinë – 08 maj 2010)

Deklaratë e përbashkët e Ministrisë së Ekonomisë dhe Financave dhe Ambasadës Gjermane në Prishtinë

Për hir të informimit të drejtë të opinionit publik, Ministria e Ekonomisë dhe Financave dhe Ambasada Gjermane në Kosovë, me deklaratë të përbashkët përgënjeshtrojnë artikullin e gazetës  “ Zëri” të datës 8 maj 2010 me titullin: “Schäuble nuk ka kohë për Ahmet Shalën”

(Prishtinë – 05 maj 2010)

Ministri Ahmet Shala udhëtoi për vizitë në Republikën Federale të Gjermanisë

Një delegacion i Republikës së Kosovës i kryesuar nga Presidenti i shtetit, dr. Fatmir Sejdiu, sot udhëtoi për vizitë në Republikën Federale të Gjermanisë , i shoqëruar  edhe nga Ministri i Ekonomisë dhe Financave, z. Ahmet Shala.

Gjatë kësaj vizite pritet të takohen  me Presidentin e Gjermanisë, Horst Kohler, kancelaren dr. Angela Merkel, kryetarin e Kuvendit të Republikës Federale, dr. Norbert Lammert, ministrin e punëve të Jashtme, dr. Guido Westerwelle , ministrin e Financave, dr.Wolfgang  Schäuble dhe me autoritete të tjera të larta të Gjermanisë.

(Prishtinë – 05 maj 2010)

Në  Ministrinë e Ekonomisë dhe Financave, u bë nënshkrimi i konkluzioneve të takimit për konsultimet të cilat janë parapërgatitje për negociatat ndërqeveritare ndërmjet Qeverisë së Republikës së Kosovës dhe Qeverisë  së Republikës së Gjermanisë.

(Prishtinë – 04 maj 2010)

Zëvendësministri italian për Zhvillim Ekonomik, z. Adolfo Urso viziton Kosovën

Nënshkruhet marrëveshje bashkëpunimi në mes Republikës së Kosovës dhe Republikës së Italisë

Me ftesë të Ministrit të Ekonomisë dhe Financave, z. Ahmet Shala në Kosovë po qëndron për vizitë zëvendësministri italian për Zhvillim Ekonomik, z. Adolfo Urso, i shoqëruar edhe nga përfaqësues të Institutit Kombëtar për Tregtinë e Jashtme –ICE dhe mbi 50 biznesmen italian, për të parë potencialet që i ofron Kosova për të investuar ata këtu, madje ata kanë marr mbështetjen dhe garancitë e zyrtarëve të institucioneve kosovare për të investuar në Kosovë.