Video


Hyrje
NJQHAB  është themeluar në kuadër të MEF ne vitin 2008 sipas Rregullores për Ligjin e  Auditimit te Brendshem nr.2007/19 të datës 06.06.2007.

Misioni

Misioni i NJQHAB është Organizimi i punës për funksionimin normal të procesit të auditimit të brendshëm në sektorin publik, përcaktimi i politikave të auditimit në përshtatje me standardet ndërkombëtare, rritja e cilësisë së auditimit në të gjitha strukturat e auditimit të brendshëm në sektorin publik, organizimi dhe realizimi i mbikëqyrjes së strukturave të auditimit, krijimi i bazës së të dhënave për vlerësimin e aktiviteteve të auditimit të brendshëm në sektorin publik, rishikimi i bazës ligjore dhe hartimi i metodikave të veçanta në përshtatje me standardet ndërkombëtare dhe praktikat më të përparuara të vendeve të BE-së

Udhëheqja dhe përgjegjësitë  kryesore të Njësisë Qëndrore për Harmonizimin e Auditimit të Brendshëm janë të përcaktuara me Ligjin mbi  Auditim e Brendshëm.  NJQHAB  është autoriteti qendror ne kuadër te Qeverisë së Kosovës që  :

- vendos standarde për kryerjen e auditimeve të brendshëm dhe siguron zbatimin e standardeve dhe praktikave kombëtare dhe ndërkombëtare

- vendos procesin për licencimin e auditorëve për të ushtruar punën

- ofron mjetet për marrjen e licencës së auditimit të brendshëm duke aranzhuar trajnim profesional dhe testim të pavarur për auditorët e brendshëm potencial

- ofron mundësi për arsimimin e vazhdueshëm profesional si pjesë e programit për përtëritjen e licencave

- është burimi qendror për rekrutimin e auditorëve dhe kontraktimin e shërbimeve të auditimit
- ofron përkrahje dhe ndihmë për njësitë e auditimit të brendshëm dhe auditorët e brendshëm për t’iu ndihmuar atyre që të kryejnë punën e tyre në pajtueshmëri me standardet relevante dhe praktikat më të mira

- inkurajon përdorimin e teknikave dhe teknologjive moderne të auditimit

- të jetë partner me organet vendore dhe ndërkombëtare të auditimit të brendshëm për të përkrahur zhvillimin e vazhdueshëm të auditimit të brendshëm dhe
- sigurojë që burimet e auditimit në qeveri i janë alokuar organizatave buxhetore sipas rrezikut

Raportimi
Njësia Qëndrore  Harmonizuese për  Auditimit të Brendshëm raporton  te Ministri për Ekonomi dhe Financa

Struktura organizative e NJQHAB:

Divizioni i standardeve dhe metodologjia
Divizioni për shqyrtimin dhe analizën e planeve strategjike te Auditimit të brendshëm dhe per raport.

Këtu mund të shkarkoni strukturen organizative të NJQHAB-së


< Paraprake   Pasuese >
 
?>