(Prishtinë – 12 nëntor  2009)

Ministri i Ekonomisë dhe Financave, z. Ahmet Shala , morri pjesë sot në punëtorinë që u organizua nga Asociacioni i Insitucioneve Mikrofinanciare të Kosovës,lidhur me transformimin e Institucioneve Mikrofinanciare të Kosovës.

Në këtë punëtori Ministri Ahmet Shala, prezantoi pikëpamjet e Qeverisë së Kosovës ndaj Zhvillimit të Sektorit Mikrofinanciar”, i cili tha se “Fillimisht, do të dëshiroja të falënderoja Asociacionin e Institucioneve Mikro-Financiare në Kosovë qe e ka parë të arsyeshme dhe te domosdoshme organizimin e kësaj punëtori e cila synon që tu jap përgjigje një numër çështjesh dhe problemesh që kanë të bëjnë me rregullimin e institucioneve mikro-financare në Kosovë, çështje këto që janë brenga dhe shqetësime të mëdha edhe të Qeverisë së Republikës së Kosovës.

“Zhvillimi dhe avancimi i sektorit financiar në Kosovë e në kuadër të saj edhe i institucioneve mikrofinanciare është gjithashtu një prioritet i Qeverisë së Republikës së Kosovës. Zhvillimi i mëtejmë i këtij sektori duhet të mbështetet në realitetet e krijuara në Kosovës përderisa transformimi i institucioneve mikro-financiare nga institucione që funksionojnë si “OJQ” në institucione profitabile të cilat rregullohen dhe mbikëqyren në bazë të standardeve dhe praktikave më të mira duhet të bëhet duke u mbështetur në praktikat financiare ndërkombëtare” tha Ministri Shala

Ai gjithashtu përgëzojë të gjitha institucionet mikrofinanciare për punën e shkëlqyer që kanë bërë në 10 vitet e kaluara dhe vazhdojnë të bëjë, duke shërbyer shumë në krijimin dhe funksionalitetin e sistemit financiar në Kosovë dhe ofrimit të më shumë mundësive në të pasurit “qasje në kredi dhe kapital”.