(Prishtinë – 12 nëntor  2009)

Ministri i Ekonomisë dhe Financave, z. Ahmet Shala , morri pjesë sot në punëtorinë që u organizua nga Asociacioni i Insitucioneve Mikrofinanciare të Kosovës,lidhur me transformimin e Institucioneve Mikrofinanciare të Kosovës.

Në këtë punëtori Ministri Ahmet Shala, prezantoi pikëpamjet e Qeverisë së Kosovës ndaj Zhvillimit të Sektorit Mikrofinanciar”, i cili tha se “Fillimisht, do të dëshiroja të falënderoja Asociacionin e Institucioneve Mikro-Financiare në Kosovë qe e ka parë të arsyeshme dhe te domosdoshme organizimin e kësaj punëtori e cila synon që tu jap përgjigje një numër çështjesh dhe problemesh që kanë të bëjnë me rregullimin e institucioneve mikro-financare në Kosovë, çështje këto që janë brenga dhe shqetësime të mëdha edhe të Qeverisë së Republikës së Kosovës.

Emërohet drejtori i Administratës Tatimore të Kosovës

(e martë , 07 korrik 2009) Më datë 06/07/2009 Qeveria e Republikës së Kosovës e ka miratuar propozimin e Ministrit të Ekonomisë dhe Financave për emërimin e z. Behxhet  Haliti, në postin e drejtorit të Administratës Tatimore të Kosovës. Emërimi i z. Haliti ne postin e drejtorit është bërë konform konkursit te shpallur nga MEF-i, si dhe pas një procesi konsultimesh ndërmjet Qeverisë së Republikës së Kosovës dhe Zyrës Civile Ndërkombëtare (ICO-së), duke u bazuar ne Ligjin nr. 2004/48 për “Administratën Tatimore dhe Procedurat”.z. Behxhet Haliti do të filloj punën si drejtor i Administratës Tatimore te Kosovës gjatë kësaj jave.

Ministri, Ahmet Shala priti në takim lamtumirës ambasadoren amerikane Tina Kaidanow

(e premte , 03 korrik 2009) Ministri i Ekonomisë dhe Financave, z. Ahmet Shala ,  priti sot në një takim lamtumirës ambasadoren amerikane  në Prishtinë, znj. Tina Kaidanow. Gjatë takimit lamtumirës, ministri Shala  falënderoi ambasadoren Kaidanow për ndihmën dhe mbështetjen e vazhdueshme që ka dhënë ajo  gjatë mandatit të saj në Kosovë. Me këtë rast ai gjithashtu edhe njëherë falënderoj popullin dhe shtetin Amerikan për ndihmën e vazhdueshme që i ka dhënë Kosovës, në veçanti për njohjen e pavarësisë së Kosovës si dhe  për anëtarësimin e saj  në Fondin Monetar Ndërkombëtar dhe Bankën Botërore.

(e mërkurë , 17 qershor 2009)
Me organizimin e Ministrisë së Ekonomisë dhe Financave, sot u mbajt Punëtoria  Sektoriale për Ekonomi në kuadër të Mekanizmit Përcjellës të Stabilizim Asocimit  me përfaqësuesit e Komisionit Evropian. Në takimi morën pjesë Ministri i Ekonomisë dhe Financave, z. Ahmet Shala, Zëvendësministri i MEF-it, z. Bedri Hamza, znj. Carole Garnier, shefe e njësisë në Drejtorinë  e Përgjithshme për Ekonomi dhe Financa në KE,përfaqësues të sektorëve të ekonomisë dhe financave në Kosovë dhe përfaqësuesit e  tjerë të  Komisionit Evropian.