(Prishtinë – 09 qershor  2010)

Së bashku kundër kontrabandës

Ministri i Ekonomisë dhe Financave, z.Ahmet Shala, së bashku me Drejtorin e Përgjithshëm të Administratës Tatimore të Kosovës, z. Behxhet Haliti dhe Drejtorin e Përgjithshëm të Doganave të Kosovës, z. Naim Huruglica, priti sot në takim Ministrin e Punëve të Brendshme, z. Bajram Rexhepi, i shoqëruar edhe nga Drejtori i Përgjithshëm i Policisë, z. Behar Selimi.

Në këtë takim u diskutua në lidhje me  sforcimin e bashkëpunimit  dhe koordinimin e  aktiviteteve në luftimin dhe parandalimin e kontrabandës në veri të vendit.

Të dyja palët u dakorduan që institucionet e vendit duhet që ti koordinojnë të gjitha aktivitetet e tyre më qëllim që kontrabanda  të luftohet dhe parandalohet jo vetëm  në veri të vendit por në gjithë territorin e Republikës të Kosovës.