(Prishtinë – 05 qershor 2010)

Ligji i Punës është një nga hapat më të rëndësishëm në strukturimin e tregut të fuqisë punëtore

Ministri i Ekonomisë dhe Financave, Ahmet Shala, në një konferencë për media , sot prezentoi objektivat dhe elementet të cilat përmban Ligji i Punës , i cili u miratuara në parim dje nga Kuvendi i Republikës së Kosovës

“Qeveritë e secilit vend kanë për detyrë të organizojnë bashkëveprimin e agjentëve ekonomik duke siguruar trajtim të barabartë për të gjithë. Qeveria e Republikës së Kosovës nuk po ndjek vetëm rrugën e krijimit të infrastrukturës fizike, por edhe të asaj legjislative të domosdoshme për funksionimin e rregullt të ekonomisë së tregut. Ligji i Punës është një nga hapat më të rëndësishëm në strukturimin e tregut të fuqisë punëtore. Ky ligj i ofron si qytetarit ashtu edhe ndërmarrjes, apo institucionit, mundësinë për të kërkuar mbrojtjen e interesave dhe bashkërendimin e tyre për një rezultat më produktiv”, tha Ministri Shala.

Ai më tej shtoi se“Dispozitat e përgjithëshme të këtij ligji kanë për qëllim që të rregullojnë të drejtat dhe detyrimet nga marrëdhënia e punës, procedurat e realizmit të tyre, të cilat rregullohen me këtë Ligj, Kontratën Kolektive dhe Kontratën e Punës në përputhje me Konventat Ndërkombëtare të Punës dhe legjislacionin e BE-së”.

Gjithashtu ky ligj rregullonë të drejtat dhe detyrimet nga marrëdhënia e punës, procedurat e realizmit të tyre, të cilat rregullohen me këtë Ligj, Kontratën Kolektive dhe Kontratën e Punës në përputhje me Konventat Ndërkombëtare të Punës dhe legjislacionin e BE-së, ndalon të gjitha llojet e diskriminimit (gjatë punësimit, në trajnime, promovime, etj.), ndalon punën e detyruar ose të dhunshme, përcakton kushtet dhe kriteret themelore në përcaktimin e marrëdhënieve të punës(p.sh. asnjë punëdhënës nuk mund të lidhë kontratë pune me dikë nën moshën 15-vjeçare), rregullon çështjen e punësimit të shtetasve të huaj, përcaktonë përmbajtjen dhe procedurat e nënshkrimit të kontratës, rregullonë ligjërisht punën provuese, e cila kufizohet në një maksimum prej 6 muajsh dhe njëkohësisht ligji përcakton edhe modalitet e punësimit si praktikant.

Ministri i Ekonomisë dhe Financave, Ahmet Shala tha se “Kostoja e përgjithshme e këtij ligji është vlerësuar të jetë rreth €1.8 milion, dhe është pjesë e paketës fiskale e diskutuar me FMN-në, ku edhe është përfshire në marrëveshjen e arritur me këtë institucion”.

Ai gjatë kësaj konference për media gjithashtu tha se gjatë ditëve të ardhshme pritet që të aprovohet edhe Ligji për pensione si dhe Ligji për veteranët e luftës, të cilat ligje buxhetit të Kosovës do t’i kushtojnë për çdo vit rreth 30 milionë euro.

“Ligji i punës do të kushtojë të paktën 1.8 milionë euro në vit, ligji i pensioneve 15 deri në 20 milionë euro, ndërsa ligji i veteranëve të luftës është buxhetuar 15 milionë euro. Pra, nëse i shikoni këto tri ligje kushtojnë mbi 30 milionë euro në vit dhe kjo është një kosto që kemi arrit ta fusim në projektimet tona buxhetore”, ka thënë Shala.

Ministri Ahmet Shala edhe një herë e shprehi përkushtimin e Qeverisë së Republikës së Kosovës që brenda këtyre ditëve edhe ligji mbi pensionet dhe veteranët e luftës të përmbyllet dhe së shpejti pritet që të aprovohen edhe në Qeveri dhe në Kuvend.

Dispozitat tjera të përgjithshme të Ligjit të Punës janë :

1.  20 % në orë për kujdestari;

2.  30 % në orë për punë gjatë natës;

3.  30 % në orë për punë jashtë orarit;

4.  50 % në orë për punë gjatë ditëve të festave; dhe

5.  50 % në orë për punë gjatë fundjavës.

• Përfundimisht, ky ligj përcakton edhe të drejtat e organizimit në punë siç është e drejta e organizimit sindikal dhe e drejta e grevës.
•