(Prishtinë – 23 mars 2010)

Në Ambasadën italiane në Prishtinë, sot u mbajt ceremonia e dhënies së çmimit “ SOCIO ONORARIO “ – nga Asociacionit Nacional Financiar i Italisë. Ku Ministri i  Ekonomisë dhe Financave, Ahmet Shala, Ambasadori italian Michael Giffoni dhe Drejtori i Përgjithshëm i Doganave të Kosovës, Naim Huruglica, u dekoruan me titullin anëtar nderi të këtij Asociacioni.

Në këtë ceremoni murrën  pjese  edhe udhëheqësit e Guardia di Financa te cilët kane kontribuar ne Kosove ne stabilitetin dhe respektimin e ligjit te vendit gjate mandatit te tyre ne UNMIK tani ne EULEX.

Me këtë rast Ministri i Ekonomisë dhe Financave, Ahmet Shala në emër të Qeverisë së Kosovës falënderoi shtetin dhe Qeverinë Italiane për ndihmën që i kanë dhënë dhe po i japin  Kosovës dhe veçanërisht i falënderoj përfaqësuesit e Asociacionit Nacional Financiar i Italisë, për këtë çmim, ku sipas tij ky çmim është nder dhe privilegj për shtetin e Kosovës dhe për te personalisht, ai gjithashtu tha se kjo tregon  edhe forcimin e miqësisë dhe punën e përbashkët të Republikës së Kosovës dhe Republikës së Italisë.

Ndërsa, Ambasadori Giffoni e çmon këtë çmim nga Italia dhe kontributin e dhënë nga Guardia di Financa, në bashkëpunim me autoritetit kosovare për sundimin e ligjit në shtetin e Kosovës edhe në të ardhmen.

Gjithashtu, edhe Drejtori i Doganave të Kosovës, Naim Huruglica, falënderoi përfaqësuesit e Asociacionit Nacional Financiar i Italisë, për këtë çmim, por gjithashtu falënderoi edhe  udhëheqësit e  Guardia di Financa  për ndihën e dhënë në ngritjen e  kapaciteteve të stafit doganor posaçërisht në fushën e hetimeve të krimeve financiare.