Hyrje

Departamenti Ligjor është krijuar me Rregulloren e UNMIK-ut 2001/19 për Institucionet e Përkohshme Vetëqeverisëse në Kosovë, ndërsa tani veprojnë në bazë të Rregullores së Punës së Qeverisë së Kosovës nr 01/2007 të datës 24.01.2007 dhe   Udhëzimit Administrativ nr. 13/2007 datë 30.10.2007 të Qeverisë së Kosovës “Për Organizimin dhe Veprimtarinë e Shërbimeve Ligjore në Degën e Ekzekutivit – Qeverinë e Kosovë”.

Detyrat kryesore të Departamentit Ligjor të MEF-it janë të përcaktuara me nenin 3 të Udhëzimit Administrativ 2007/13 si në vijim:

Departamenti Ligjor ka këto detyra dhe përgjegjësi:

1. Hartimin e politikave dhe të strategjive legjislative në bashkëpunim të ngushtë me kabinetin e ministrit,departamentet dhe njësit tjera organizative.
2. Hartimin e legjislacionit primar dhe sekondar në bashkëpunim me kabinetin e ministrit,departamentet dhe njësit tjera organizative.
3. Sigurimin e përputhshmërisë së ligjeve dhe të akteve të tjera nënligjore me (Acquis Communautaire).
4. Dhënien e këshillave ligjore,rekomandime,udhëzime mendime juridike etj.
5. Përfaqësimin e ministrisë në bashkëpunim me Ministrin e Drejtësisë.
6. Sigurimin e përmbushjes së detyrimeve ligjore në zbatim të ligjit dhe dispozitave të tjera.
7. Merr pjesë në grupet ndërministrore  në hartimin e akteve juridike.
8. Hartimin e vendimeve,propozimeve  dhe të tjera të kërkuara nga Sekretari i Përhershëm dhe Kabineti i Ministrit.

Këtu mund të shkarkoni strukturen organizative të Departamentit Ligjor